రంబా ఊర్వశి మేనక - పూర్తి కథా వివరణ

 

మాయా పుస్తకం - ఫ్లాష్‌బ్యాక్: వేల సంవత్సరాల క్రితం విశ్వామిత్రుడు తపస్సు చేస్తున్న సమయంలో, ఆయన వెనకాల మరో వ్యక్తి అప్సరసలైన రంబా, ఊర్వశి, మేనకలను తలచుకుంటూ ఘోర తపస్సు చేస్తాడు. అతని భక్తికి మెచ్చి ఆ ముగ్గురు అప్సరసలు భూమి మీదకు వచ్చి అతనికి ఒక 'మాయా పుస్తకం' ఇస్తారు. ఆ పుస్తకంలో ఉన్న ఒక సీక్రెట్ ప్యాటర్న్‌ను కరెక్ట్‌గా గీస్తే, తాము ప్రత్యక్షమై కోరిన వరాలు ఇస్తామని చెబుతారు. ఆ పుస్తకం తరతరాలుగా చేతులు మారుతూ వచ్చి, చివరికి దాన్ని క్రాక్ చేయలేక అది ఒక కట్టుకథలా మిగిలిపోతుంది.

హీరో సూరి జననం - అతని కల: ప్రస్తుత కాలంలో మన హీరో 'సూరి' పుట్టుక చాలా విచిత్రంగా ఉంటుంది. 10 నెలలు దాటినా పుట్టని సూరి, టీవీలో 'జగదేకవీరుడు అతిలోకసుందరి' సినిమాలో శ్రీదేవి "మానవా" అన్నప్పుడు మాత్రమే తల్లి కడుపులో తన్నుతాడు. అలా పుట్టుకతోనే కామెడీ టైమింగ్‌తో పుడతాడు. పెద్దయ్యాక సూరికి, వాళ్ళ అంకుల్ ద్వారా ఆ మాయా పుస్తకం గురించి తెలుస్తుంది. రంబా ఊర్వశి మేనకలు వస్తే వాళ్ళను వరం అడిగి తను పెద్ద 'సినిమా హీరో' అవ్వాలనేది సూరి కల. దాదాపు 15 ఏళ్లుగా ఆ పుస్తకంలో ప్యాటర్న్ గీస్తూనే ఉంటాడు. దీనివల్ల అతనికి అప్పులు పెరిగిపోయి, వాళ్ళ అమ్మ దోసెలు అమ్ముకునే పరిస్థితి వస్తుంది.

చిన్నితో లవ్ - ఎస్ఐ అప్పలనాయుడు పగ: సూరి గ్యాంగ్ డ్రామాలు వేస్తుంటుంది. ఒకసారి ఆర్ఫనేజ్‌కి డ్యామేజ్ చేయడంతో ఎస్ఐ అప్పలనాయుడు వాళ్ళను అక్కడే పని చేయడానికి పంపిస్తాడు. అక్కడికి వచ్చిన కొత్త స్ట్రిక్ట్ ఆఫీసర్ 'చిన్ని'. చిన్ని మరెవరో కాదు, సూరి చిన్ననాటి స్నేహితురాలు. చిన్నప్పుడు చిన్ని, అప్పలనాయుడు సైకిల్ మీద వెళ్తూ, అతనికి పెరుగన్నం పెట్టేది. కానీ సూరి యాక్టింగ్ చూసి అతని ఫ్యాన్ అయిపోయి అప్పలనాయుడిని దూరం పెడుతుంది. ఆ పగతో అప్పలనాయుడు ఇప్పటికీ సూరి మీద కోపంగా ఉంటాడు. సూరి తన దగ్గరకు వచ్చిన చిన్నితో, "నేను ఆ మాయా పుస్తకం ద్వారా హీరో అయిపోతాను" అని పిచ్చి లాజిక్స్ చెప్పడంతో, కోపం వచ్చిన చిన్ని ఆ పుస్తకాన్ని లాక్కుంటుంది.

మ్యాజిక్ బుక్ కోసం ప్రయత్నాలు - ఛాలెంజ్: పుస్తకం కోసం సూరి గ్యాంగ్ (పరిమళ, సీఈఓ) చేసే దొంగతనాలు కామెడీగా ఫెయిల్ అవుతాయి. చివరికి సూరి వెళ్లి చిన్ని ఇంట్లో రెడ్ హ్యాండెడ్‌గా దొరికిపోతాడు. అప్పలనాయుడు అతన్ని అరెస్ట్ చేయబోతే, "అతను నా లవర్" అని చిన్ని చెప్పి కాపాడుతుంది. ఆ తర్వాత చిన్ని వాళ్ళ నాన్న, "30 రోజుల్లో నీ అప్పులన్నీ తీర్చేస్తే చిన్నిని నీకిచ్చి పెళ్లి చేస్తాను" అని సూరికి ఛాలెంజ్ చేస్తాడు.

తల్లికి క్యాన్సర్ - అప్సరసల రాక: ఈ సమయంలో సూరి తల్లికి క్యాన్సర్ అని, ఆపరేషన్‌కి 50 లక్షలు కావాలని డాక్టర్లు చెబుతారు. అప్పులు, తల్లి ఆపరేషన్ ఖర్చులతో దిక్కుతోచని సూరి, ఆ విగ్రహాల ముందు ఏడ్చి మళ్ళీ ప్యాటర్న్ గీస్తాడు. అప్పుడు నిజంగానే రంబా, ఊర్వశి, మేనకలు ప్రత్యక్షమవుతారు. వాళ్ళు కరెంట్ బిల్లు కట్టడం, మందు బాటిల్ తెప్పించడం చూసి వీళ్లు రియల్ అని ఫిక్స్ అవుతాడు. రేపు కూడా రమ్మని సూరి వరం అడుగుతాడు. కానీ స్వర్గానికి వెళ్లిన అప్సరసల మీద ఇంద్రుడు కోపపడి, "చైత్ర పౌర్ణమి వరకు మీకు శక్తులు ఉండవు, ఎవరైనా మగాడు మిమ్మల్ని కామంతో తాకితే వాడు అక్కడికక్కడే రాయిలా మారి చనిపోతాడు" అని శపిస్తాడు.

శవాల దాపరికంలో కామెడీ: ఈ విషయం తెలియక సూరి ఇంటికి వచ్చిన అప్పులోళ్లు అప్సరసలను తాకి రాయిలా మారి చనిపోతుంటారు. వాళ్ళ బాడీలను ఫ్రీజర్‌లలో, కోల్డ్ స్టోరేజ్‌లలో దాచడానికి సూరి గ్యాంగ్ పడే కష్టాలు ఫుల్ కామెడీగా ఉంటాయి. మరోవైపు యమధర్మరాజు కూడా వచ్చి, "నా పర్మిషన్ లేకుండా ప్రాణాలు ఎలా తీశారు" అని అడిగితే, సూరి ఆయనను నాటకంలో యాక్టర్ అనుకుని రివర్స్ కామెడీ చేస్తాడు. చైత్ర పౌర్ణమి రోజు శక్తులు రాగానే బాడీలను, సూరి తల్లిని బతికిస్తామని అప్సరసలు మాట ఇస్తారు.

రియాలిటీ - కష్టపడటం మొదలుపెట్టిన సూరి: అప్సరసల మాటల ప్రకారం పౌర్ణమి 4 రోజుల్లో ఉందని సూరి అనుకుంటాడు. కానీ క్యాలెండర్ పదేళ్ల పాతదని తెలిసి షాక్ అవుతాడు. తన తల్లికి 10 ఏళ్ల క్రితమే క్యాన్సర్ అని తెలుస్తుంది. అప్పుడు తల్లి సూరితో, "నువ్వు మాయలతో కాదు, సొంత కాళ్ల మీద కష్టపడి పైకి రావాలి" అని చెబుతుంది. దీంతో మారిన సూరి, చిన్న చిన్న షోలు కూడా చేస్తూ లక్షలు సంపాదిస్తాడు. ఆ డబ్బు తీసుకుని ఆపరేషన్ చేయడానికి వెళ్లేసరికి తల్లి చనిపోతుంది. సూరి గుండె పగిలేలా ఏడుస్తాడు.

క్లైమాక్స్ - దేవుడి రియలైజేషన్: సూరి బాధను చూసి నవ్వుతున్న ఇంద్రుడిని, నారదుడు మందలిస్తాడు. చైత్ర పౌర్ణమి రాగానే అప్సరసలకు శక్తులు వస్తాయి. ఇంద్రుడు స్వయంగా బ్రహ్మ దగ్గరకు వెళ్లి సూరి తల్లిని బతికించమని అడుగుతాడు. కష్టపడితేనే ఫలితం ఉంటుందనే పాఠం అందరికీ తెలియాలని ఇంద్రుడు సూరిని మెచ్చుకుంటాడు. సూరి అడిగిన కోరిక మేరకు చనిపోయిన అప్పులోళ్ళందరినీ బతికిస్తారు. అప్పలనాయుడు వాళ్లను ఎంక్వైరీ చేస్తే, "ఎండగా ఉందని కోల్డ్ స్టోరేజ్‌లో బీర్లు తాగి పడుకున్నాం" అని కామెడీ చేస్తారు. చివరగా సూరికి ఒక సినిమా డైరెక్టర్ నుంచి మెయిన్ హీరోగా అవకాశం వస్తుంది. చిన్నితో పెళ్లి కూడా సెట్ అవుతుంది. మాయల కంటే మన సొంత కష్టమే గొప్పది అనే మంచి మెసేజ్‌తో సినిమా ముగుస్తుంది.