హలో ఘోస్ట్ (Hello Ghost) - పూర్తి కథా వివరణ

చనిపోవాలనుకునే హీరో - నాలుగు వింత దెయ్యాలు:

కథ ఒక అనాథ అయిన హీరోతో మొదలవుతుంది. ఈ లోకంలో తనకు ఎవరూ లేరని, జీవితం మీద విరక్తి పుట్టి ఒక మోటెల్ గదిలో నిద్రమాత్రలు మింగి ప్రాణాలు తీసుకోవాలని ప్రయత్నిస్తాడు. కానీ మోటెల్ ఓనర్, ఆ తర్వాత రెస్క్యూ టీం వచ్చి అతన్ని కాపాడతారు. హాస్పిటల్ లో కళ్ళు తెరిచిన హీరోకి ఒక విచిత్రమైన పరిస్థితి ఎదురవుతుంది. అతని పక్కన నలుగురు వ్యక్తులు కనిపిస్తారు.

1) కంటిన్యూస్ గా సిగరెట్లు కాల్చే ఒక లావుపాటి వ్యక్తి, 

2) ఎప్పుడూ ఏడుస్తూ ఉండే ఒక మిడిల్ ఏజ్డ్ మహిళ, 

3) అమ్మాయిల వెంటపడే ఒక ముసలి తాత, 

4) ఎప్పుడూ ఏమైనా తింటూ ఉండే ఒక చిన్న పిల్లాడు.

కానీ అసలు ట్విస్ట్ ఏంటంటే ఈ నలుగురు హీరోకి తప్ప ప్రపంచంలో ఇంకెవరికీ కనిపించరు. వాళ్ళు దెయ్యాలని హీరోకి అర్థమవుతుంది. అంతేకాదు, ఆ దెయ్యాలు హీరో బాడీని తమ కంట్రోల్ లోకి కూడా తీసుకోగలవని తెలిసి హీరో భయపడిపోతాడు. వాళ్ళు హీరోని వదలకుండా ఇంటికి కూడా వస్తారు. వాళ్ళ వల్ల హీరో సిగరెట్లు తాగడం, విపరీతంగా తినడం లాంటి వింత పనులు చేస్తూ ఇబ్బంది పడుతుంటాడు.

దెయ్యాల కోరికలు తీర్చడం:

ఈ దెయ్యాల వదిలించుకోవడానికి హీరో ఒక జ్యోతిష్యుడి దగ్గరికి వెళ్తే, ఆ దెయ్యాలకు తీరని కోరికలు ఉన్నాయని, వాటిని తీరిస్తేనే వాళ్ళు వెళ్ళిపోతారని చెప్తాడు. దాంతో హీరో ఒక్కొక్కరి కోరికలు తీర్చడం మొదలుపెడతాడు.

ముందుగా తాత కోరిక మేరకు.. ఒక పాత కెమెరాను వెతికి పట్టుకుని, దాన్ని ఒక పోలీస్ ఆఫీసర్ దగ్గర నుండి తెచ్చి తాత వాళ్ళ ఫ్రెండ్ కు ఇస్తాడు. ఈ ప్రాసెస్‌లో హీరోకి హాస్పిటల్ లో నర్స్ గా పనిచేసే 'యంగ్-సూ' అనే హీరోయిన్ పరిచయం అవుతుంది.

ఆ తర్వాత చిన్న పిల్లాడి కోరిక మేరకు.. ఒక యానిమేటెడ్ మూవీ చూపించి, కార్నివాల్ లో ఒక స్వీట్ గేమ్ లో ప్రైజ్ గెలిచి వాడికి ఇస్తాడు.

సిగరెట్ కాల్చే వ్యక్తి కోరిక మేరకు.. ఒక పాత టాక్సీని వెతికి పట్టుకుని, దాని ఓనర్ కు హెల్ప్ చేసి, ఆ కారు తీసుకుని వాళ్ళందరూ కలిసి సముద్రం దగ్గరికి వెళ్తారు. అక్కడ ఆ దెయ్యం హీరోకి ఈత నేర్పుతుంది.

చివరగా ఏడ్చే మహిళ కోరిక మేరకు.. వాళ్ళందరికీ (హీరోయిన్ తో కలిపి) భోజనం చేసి పెడుతుంది. ఈ క్రమంలో హీరోకి, హీరోయిన్ కి మధ్య ప్రేమ చిగురిస్తుంది.

క్లైమాక్స్ - గుండె పిండేసే ట్విస్ట్:

అన్ని కోరికలు తీర్చిన తర్వాత, హీరో ఆ దెయ్యాలను వెళ్ళిపోమని అరుస్తాడు. మరుసటి రోజు ఆ దెయ్యాలు నిజంగానే వెళ్ళిపోతాయి. మళ్లీ ఒంటరి అయిన హీరో ప్రాణాలు తీసుకోవాలనుకుంటాడు. కానీ అప్పుడే ఒక షాకింగ్ నిజం బయటపడుతుంది.

హీరోయిన్ తో కలిసి 'రైస్ రోల్స్' తింటున్నప్పుడు హీరో, "పాలకూరకు బదులు వాటర్ పాస్లీ వేస్తే రక్తం వృద్ధి చెందుతుందని మా అమ్మ చెప్పింది" అని అంటాడు. ఆ మాట అనగానే హీరో మైండ్ లో బ్లాక్ అయిపోయిన తన గతం మొత్తం ఒక్కసారిగా గుర్తొస్తుంది!

నిజానికి ఆ నాలుగు దెయ్యాలు ఎవరో కాదు.. హీరో సొంత కుటుంబ సభ్యులే!

ఆ సిగరెట్లు కాల్చే వ్యక్తి అతని నాన్న, ఏడ్చే మహిళ వాళ్ళ అమ్మ, ముసలి తాత వాళ్ళ తాతయ్య, ఆ చిన్న పిల్లాడు వాళ్ళ అన్నయ్య. హీరో చిన్నప్పుడు వాళ్ళ ఫ్యామిలీ అంతా కలిసి కారులో బీచ్ కి వెళ్తున్నప్పుడు ఘోర ప్రమాదం జరుగుతుంది. ఆ యాక్సిడెంట్ లో హీరో తప్ప ఫ్యామిలీ మొత్తం చనిపోతారు. ఆ షాక్ లో చిన్న పిల్లాడైన హీరో తన గతాన్ని మొత్తం మర్చిపోతాడు.

నిజానికి ఆ దెయ్యాలు హీరోని ఇబ్బంది పెట్టడానికి రాలేదు.. ఒంటరిగా ఉండి ప్రాణాలు తీసుకోవాలనుకున్న తమ బిడ్డను కాపాడుకుని, వాడికి తోడుగా ఉండటానికి, వాడిని ఒంటరితనం నుండి బయటకు తీసుకురావడానికే వచ్చాయి. ఈ నిజం తెలుసుకున్న హీరో కన్నీళ్లతో పరిగెత్తుకుంటూ వెళ్లి ఇంటి తలుపులు తెరుస్తాడు. ఆ దెయ్యాలు మళ్లీ కనిపిస్తాయి. తనని మళ్లీ వదిలి వెళ్లొద్దని హీరో ఏడుస్తాడు. వాళ్ళంతా కలిసి ఒక అందమైన ఫ్యామిలీ ఫోటో దిగుతారు.

ముగింపు:

చివరికి హీరో, హీరోయిన్ ను పెళ్లి చేసుకుంటాడు. వాళ్లకు ఒక బాబు పుడతాడు. కొన్ని ఏళ్ల తర్వాత ఆ చిన్న బాబుకి కూడా వాళ్ళ తాతయ్య, నాన్నమ్మ, పెదనాన్న, ముత్తాత (ఆ దెయ్యాలు) కనిపిస్తున్నాయని బాబు చెప్పడంతో.. ఆ దెయ్యాలు ఎప్పటికీ తమ కుటుంబాన్ని కాపాడుకుంటూనే ఉంటాయని ఒక అందమైన, ఫన్నీ నోట్ తో ఈ ఎమోషనల్ మూవీ ముగుస్తుంది.